平時如果喺餐廳點海膽汁意粉，起碼三、四百蚊，而且海膽份量唔會多。呢個海膽忌廉汁意粉我只係用咗半盒海膽，個汁亦加咗海膽，視覺效果已經好震撼 😎。重點係超容易整，唔洗30分鐘煮好！ **海膽忌廉汁意粉材料 (1人份)：海膽 視乎你想食得幾豪 🤣 (今次用咗半盒)意粉 70g清酒／白酒 30ml淡忌廉 100ml巴馬臣芝士碎 25g (可省略)乾蔥 1粒 切碎橄欖油 適量鹽、黑胡椒 隨喜好紫菜碎 隨喜好 (可省略) 做法：1. 煲滾一煲水、下1茶匙鹽，意粉按包裝指示減1分鐘煮熟。2. 下橄欖油熱鑊，中火炒香乾蔥。下清酒煮至略為收汁。3. 轉最小火，加入淡忌廉及芝士，不停攪拌，煮至開始杰身。加入海膽 (我加咗4-5片)，用spatula壓碎同醬汁混合。(海膽份量可自行增減，如果想醬汁更幼滑可先將忌廉同海膽用blender打勻) 如醬汁太濃稠可加入適量意粉水調較至理想程度。4. 加入意粉充份拌勻，讓所有意粉沾上醬汁。試味，按喜好下鹽、黑胡椒調味。 5. 灑上紫菜碎，鋪上餘下海膽，即成。 更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/
