在家抗疫咁耐開始冇乜煮意?想整一啲特別啲嘅菜式?可以試下焗龍蝦尾,其實冇想像中咁難整 😉 **香草蒜蓉牛油焗龍蝦尾材料 (2/4人份):急凍龍蝦尾 4條 (每條約4安士) 調味料:無鹽牛油溶液 3湯匙鹽 1茶匙黑胡椒 1/2茶匙蒜蓉 1瓣新鮮番茜 1茶匙 切碎乾百里香 1/2茶匙甜椒粉 1/2茶匙檸檬汁 1茶匙做法:0. 焗爐預熱至230度。1. 龍蝦尾解凍,沖洗乾淨、印乾。用廚房剪沿龍蝦殼背面中間至尾剪開,唔好剪斷末端尾鰭 (龍蝦殼邊緣較鋒利,處理時要小心)。小心擘開龍蝦殼兩邊,抽起原條蝦肉放回蝦殼上 (蝦肉末端依然係連住蝦殼嘅),放上焗盤。 2. 混合牛油溶液及所有調味料,均勻搽上蝦肉 (唔好唔記得蝦肉底部哦)。 3. 入已預熱焗爐焗12-15分鐘,視乎爐溫及龍蝦大小。 4. 可配檸檬及額外香草牛油享用。更多中英食譜:FB:https://www.facebook.com/whatsboomaking/IG: https://www.instagram.com/whatsboomaking/