快靚正一鑊熟嘅俄羅斯牛肉闊條麵。男朋友表示非常好，因為淨係要洗一隻鑊 🤣**俄羅斯牛肉闊條麵 材料 (2人份)：牛扒 300-400g闊條麵 150g蘑菇 150g 切片洋蔥半個 切粒雞湯 (牛湯更好) 250ml鮮忌廉 50ml酸忌廉 100ml白酒 100ml法式芥末 2茶匙喼汁 幾滴甜椒粉 1湯匙 新鮮百里香 2茶匙 牛油 15g做法：1. 牛扒用鹽、黑胡椒調味，下橄欖油燒熱平底鑊，大火兩面煎封各1分鐘左右，盛起用錫紙蓋住。2. 轉中火落牛油，加入蘑菇炒香，再加入洋蔥炒至軟身呈啡色，加入甜椒粉及百里香續炒。3. 加入白酒、雞湯deglaze，小滾後盛起少量湯汁備用。放入闊條麵，按包裝指示煮熟。4. 用剛才盛起嘅湯汁混和酸忌廉後再倒回鍋內 (避免酸忌廉結塊)，不斷攪拌。加鮮忌廉、芥末、喼汁，小火煮至充分混合至creamy，有需要再調味。5. 牛扒切約1cm厚，加在闊條麵上續煮約1分鐘，冚蓋熄火焗5-10分鐘，即成。小小tips： 1. 法式芥末可用黃色芥末代替。2. 想闊條麵更易熟可以稍微折斷 (意大利人應該會好嬲 😂)。更多中英食譜：FB：https://www.facebook.com/whatsboomaking/IG: https://www.instagram.com/whatsboomaking/
