尋日適逢情人節，我聽到個愛情故事，好想同大家分享。 係大約70、80年前，有一個女仔，細細個就被賣到一個富裕家庭做養女。話雖是養女，其實即係妹仔，洗衫煮飯打掃，總之乜都要做，同工人無分別，捱打捱鬧更加係家常便飯⋯⋯ 日子難過，但係總要過，唯有寄望快d嫁得出，起碼唔洗再留係呢個所謂既家⋯⋯可惜，人地比得錢買你返泥，仲要比飯你食比地方你訓比衫你著，邊有咁筍會肯放你走？每當有人想對親家，養父母一定唔讚成，仲會鬧，女仔知道佢無機會離開，當然好唔開心⋯⋯ 但皇天不負有心人！真命天子終於出現na！養父母雖然依舊多加阻撓，但係女仔今次唔會退縮，為左同心愛既人一齊，女仔拋開一切，同愛人私奔！之後佢地一齊捱，係街邊擺檔賣粥唯生，生左10幾個仔女。雖然幸福既日子並唔長久，但係丈夫過身之後獨力撫養10幾個小朋友，無論幾辛苦都無怨言，因為佢知到只要有愛，一切都係值得既！ 今時今日，女仔已經好老，仲飽受中風折磨，但係每當四代同堂一齊過節食飯，仲係會覺得好開心，好恩惠！*佢仲話，之前睇開個醫生想溝佢，成日同佢傾計，仲送花比佢咁話wo～ 呢位咁可愛既婆婆就系我個已經89歳既嫲嫲。 嫲嫲，多謝您！祝你情人節快樂！ P.S. 幾時帶個醫生男友比我地見（識）下啫～～ * 真係佢自己講的～不嬲佢都話自己後生好靚好多人追～仲有鬼佬tim～
