我皮膚一直都唔算係敏感型，所以我都幾敢試唔同新既skin care，所以我一直對敏感無咩概念.. 直到前個排，突然無啦啦皮膚敏感不停爆瘡，一波未平一波又起，生暗瘡都唔係最痛苦，留印先係最痛苦！我偏偏就係易留印嘅體質，對抗以前陳年印已經好煩，宜家仲要對付新既印！以前既觀念係，皮膚敏感就應該咩都唔好搽，唔好再刺激佢，但我發覺我「肌斷食」左一排，敏感既情況都係無咩改善，仲係不停咁生d 暗瘡仔。 到後來做野遇到個皮膚專家，我先發現原來我皮膚敏感是因為轉天氣，我嘅皮膚太乾燥缺水，水份唔夠油脂分泌就加劇，導致不停爆瘡，所以我要加強補水，bump多d水比皮膚，加快皮膚細胞的更新，減少油脂分泌同埋減淡暗瘡印。 我就開始不停試坊間嘅補濕產品，只要見到「最強保水」、「保濕力1000倍」、「乾燥救星」呢d字我就即刻心心眼買番去試，當然好多都係名大過實啦～ 經過一段時間嘅親身實驗，我終於搵到對我黎講補濕力真正夠強，拯救番我塊爛面救星產品！ Before：呢張已經係敏感無咁嚴重嘅時候影，d 瘡仔已經謝左8成，但成面都係印同埋一撻撻紅色嘅「控」，再加上個時咩都唔敢搽，搞到皮膚又黃又暗啞，最慘又唔敢化妝，個時真係日日「黃面婆」咁番工啊，陰工豬～ After：已經係敏感好番8-9成，仲會偶然爆d 細粒嘅瘡仔同埋有d印未退，但overall嘅膚色均勻番，同埋無再一撻撻紅，皮膚有番光澤 (好感動T____T) 下面就喺呢段敏感時期用嘅Product啦～ Gulsha晨露純玫瑰活肌水 識我嘅人都知我係一個Organic控，所以我係好鐘意用花水，特別係敏感形情況中，就更加要用一D溫和無添加太多化學成份嘅產品，呢支Gulsha玫瑰花水真係近期最愛，我已經回購左3,4支，最鐘意佢補濕度高，味道天然，好怕d花水主打天然，但一噴出黎就係好濃嘅香料玫瑰味～ Gulsha呢支就唔會，味道夠天然，淡淡嘅玫瑰香，朝早噴特別舒服～ 官方介紹就話一支花水藴含7500瓣大馬士革玫瑰，活性成分高達300多種，含18種氨基酸及微量元素、高濃度維他命C及抗氧化物、植物醇類、有機酸類等；對敏感、暗瘡及濕疹肌膚有抗炎抗菌、舒緩、鎮靜及修復作用，為肌膚強化天然保護屏障，最重要不含化學防腐劑、石蠟、礦物油！ 如果想降紅鎮靜效果更強，可以擺係雪櫃雪涷佢，噴上面仲舒服～ Pro-Hydro Essence 小純瓶 呢隻小純瓶係未正式上市嫁，我係工作機會上好彩可以提早試試佢，佢嘅出現真係及時雨！！ 佢係ampoule裝，一盒7支，號稱就係急救保濕神水，佢嘅成份就係高濃度嘅大細分子透明質酸，無其他多餘成份，岩哂敏感中只可以補水嘅我！！ 市面上好少透明質酸product係有齊大細分子，細分子嘅透明質酸可以滲透入皮膚底層做補濕；大分子嘅透明質酸就可以係表皮層做鎖水，所以呢支Essence就可以做到保濕同時鎖水！ 仲要佢地研發時候係根據番香港天氣去調配個比例，所以搽上面rich得黎唔會「笠」；而且佢係法國生產制造，原材料同廠房都拎左好高嘅國際認證，「來路貨」就有信心用啦～ (好多人以為補濕係用b5,b3呢d成份，其實透明質酸先係真正嘅補濕聖品，遲d 再打篇blog同大家分享。) 如果要我形容呢支小純瓶，我會講係「真材實料」！我用左第一日已經明顯見到皮膚退紅左7成，仲要我無化妝到下午塊面都無點出油，用左3,4日皮膚終於開始有番光澤，同埋d瘡仔謝哂，膚色都白淨番，無再咁暗啞蠟黃。 唯一缺點係有ｄ貴，雖然未開賣，但聽官方講價錢都唔算平，不過無計啦，一分錢一分貨，可以令皮膚靚番，真係肉痛少少都要！ Cellmaxium Membrane repair 肌膚脂膜修護精華 我皮膚一直有個好大嘅問題係鎖唔到水，無論用幾多好嘅補濕產品，用完都係乾，原來係我一直忽略左鎖水呢part，補完水唔鎖，其實分分鐘仲衰過唔補，因為連肌底嘅水份都一齊比抽乾埋～ 呢支Cellmaxium Membrane repair 係我大力表揚嘅鎖水產品，佢裡面嘅成份係角鯊烯(Squalane)及神經醯胺(Ceramide)，呢2種成份其實本身我地嘅皮膚都有，作用就係幫皮膚鎖住水份同埋對抗體內外各種對皮膚刺激，係皮膚嘅守護者！ 呢支Cellmaxium係可以提高皮膚表層屏障功能，減少水份流失，搽完補濕精華之後，就搽呢隻精華鎖番住d水，皮膚好似會有一層薄薄嘅膜咁，而且佢嘅質地比較稀，好易推、好快吸收哂，唔會好似其他角鯊烯product咁重油份，有「笠」嘅感覺。 溫馨提示：搽上面既時候唔好摔，輕輕印上塊面，如果唔係就會好易有擦紙膠碎出現。 CS12 Miracle mask 呢隻MASK超好用！呢隻MASK超好用！呢隻MASK超好用！ 太重要所以要講3次！我終於明白呢隻MASK貴得黎係有道理，其實佢岩岩出嘅時候已經留意到佢，聲稱暗瘡肌、敏感肌、易生粒粒嘅皮膚係好岩用，用完D 暗粒會無哂，但因為佢價錢真係唔平，所以一直都無試下佢。到今次皮膚敏感，我突然諗起佢，就搏一搏買左佢番黎試試，果然一試就愛上！ 面膜質地非常透薄同貼面，精華份量好多，敷30-40分鐘～ 敷上面有好冰涼紓緩嘅感覺，因為佢入面有薄荷成份，敷完即刻降紅，第2日起身暗瘡印明顯淡左好多！而我用嘅係升級版，加強左抗敏成份嘅濃度，有強效嘅修復作用，可以促進皮膚表層細胞再生。 因為佢不含酒精成份，所以可以日日用，我連續敷左7日，皮膚好似真係飲飽水咁，額頭同下巴本身好多暗粒，用完之後唔駛「吱」都退左好多，因為皮膚細胞嘅更生加快左，就可以代謝走皮膚入面嘅污糟野啦～ CS12面膜係用德國原材料產造，創辦人係馬來西亞一個化妝師，馬來西亞同香港嘅天氣都好似，又熱又笠，所以普遍人都有暗粒暗瘡嘅問題，而呢隻面膜就係為左解決呢D問題而產生，我宜家開始越黎越覺得生產地好重要，除左係因為品質問題，配方岩唔岩香港天氣用都係其中一個好重要嘅factor! 呼～終於打完我呢篇抗敏感分享，全部都係我真實用後感，多謝大家用心睇完！ **要記住！皮膚敏感最緊要係搵到成因，先可以對症下藥，因為有太多太多嘅因素導致敏感出現，所以一定要尋求左醫生或者專業人士嘅意見，了解左問題所在，先再去搵岩自己用既產品～不過最重要要保持心情開朗，唔好比敏感搞到個人好Depress，所以問題都一定有根治嘅方法，時刻保持好心情先係令皮膚靚嘅重要關鍵:)
