團年飯就係要咁恨恨地食，同老豆阿妹老公4人去撐Teppanyaki。平時 OpenRice 上笑面同喊面比例咁 "平均" 嘅王生一定唔會考慮，今次佢竟然話 "試一試囉!" 嘩... 發生咩事？！ 地方唔係好大，出奇地一間 Teppanyaki 餐廳嘅廚師位置只係得個6-7個位，其他都係卡位。真係有嘅奇怪。Anyway, 我地一家人食飯都係坐埋一齊好d, 唔理lu。 Menu 都係定食set, 有salad﹐有miso soup﹐有飯。我點左豚肉生薑燒+牛柳set (set $16x)﹐豚肉真係幾軟滑幾好食，牛柳就有幾塊un un地 (唔識中文嘅人又黎啦)。 不過老公個牛肉薄燒 (set $16x) 就幾好味，可以味道清d﹐啱我多d! 另外點咗2個冇乜特別嘅炒野菜 (跟餐+$20) ，同埋燒鵝肝 (跟餐+$5x)。 請問隻鵝有幾大隻？件鵝肝真係好大塊呀！！ 外樣香脆，入口即溶，唯鵝肝味唔係好濃 (come on, 一分$一分貨！) 真係估到呢度都可以食到咁嘅quality 嘅鵝肝，唔錯！ 其實又冇我想像中咁差，味道係濃左d﹐不如我口味偏淡，家人都冇乜特別comment。埋單$800﹐每人都係2百蚊，對返食物質數都叫合理呀！ 不過冇得坐鐵板位，就硬係覺得同一般日本料理冇太大分別囉！！ Happy new year of goat..... ram.... whatever!!!! IKI Teppanyaki Bento (荃灣) 地址 : 荃灣大壩街4-30號荃灣廣場4樓410號舖 電話 : 2682 1126 ---------------------------------------------- Follow Me on Gi C Life wengichow@gmail.com -------------------------------------------
