之前去美國讀書既時候無意中發現左Butter London呢個牌子, 佢最出名係啲指甲油, 所以就買左黎試~ 大概HKD$120一支, 呢隻色係 All hail the queen, 有閃粉既淺啡色。 我唔鍾意好sharp果啲顏色, 呢隻就岩晒我, 同埋都幾岩冬天用。 個樽個外表望落好有貴氣, 四四方方咁, 好令。同埋佢個design都幾特別, 平時用開果啲都係直接擰開個蓋就已經係連埋個掃可以搽得, 而哩個蓋係獨立既, 開左個蓋之後仲有一個細既蓋連住個掃, 咁搽果陣就唔洗拎住咁大個頭, 我隻手比較細, 所以係非常鍾意呢個設計。 開始搽喇, 我習慣會搽左base coat 先, 感覺好似啲指甲冇咁傷 我就用開OPI既~ 乾左之後就開始搽喇~ 以下三張都係搽左1層既樣點擊圖片放大 大家都仲係見到少少本身指甲既顏色。 以下三張就係搽左2層~ 點擊圖片放大 指甲既顏色已經完全遮住~ 我自己多數都係搽兩層既, 咁你地可以隨個人喜好去adjust 呢隻搽既時候係好smooth, 好易搽。 相信有啲人會同我一樣, 平時一定係有一隻手搽得冇咁令, 但係呢隻唔知點解我用左手搽都會搽得好令好平均。 最後就搽番top coat, 都係用OPI既~ 總結: 我覺得呢支指甲油無論包裝同質素都係非常好, 所以價錢黎講我都覺得係值既。衰就衰在香港冇專櫃或者店, 不過我都搵左兩個外國website俾大家參考, 另外當然可以搵代購啦~ Website: Look fantastic http://www.lookfantastic.com/brands/butter-london.list Beauty.com http://www.beauty.com/makeup/nail-polish/qxg298359-0?brand=55514 如想試下呢個牌子就可以揀番自己常用既色試下先, 咁就唔會浪費左百幾蚊, 如果真係鍾意先再買。同埋如果唔係常用既色, 我自己就唔會用百幾蚊去買, 反正都唔係成日用, 可以買平啲玩下xd 以上純屬個人意見~ Instagram: wendywingyanso Email: wendysowingyan@gmail.com