啱啱同媽咪係花園街附近行街街,雖然行左成粒鍾都無斬獲, 但竟然意外地發現一間泰國菜館!!! 未入餐廳之前,已經係門口聞到好香既燒烤味喔!!! 行到口渴,拿拿聲叫左杯青檸梳打($20) 杯入面已經有切好既一片片青檸同碎冰底,再配上一支象牌既梳打水, 呢隻梳打水係香港第一次見,啤酒就見得多喔。 酸酸地,好開胃又fresh! 海南雞(例牌) 呢個真係超超超好食!!!! 一食落口,雞唔止完全無雪藏味,而且煮得超滑, 好有雞既鮮味,一d都唔鞋!! 佳作! 生蝦刺身 食滿二百蚊加一蚊就可以換購喔! 本來期望不大,但竟然無將價就貨。 生蝦無雪藏味,而且幾厚肉,食落好鮮甜~ 串燒(豬、牛、雞)($12@1) 串燒個汁好香好好味,不過燒得再熱少少就更好喇! 泰式炒芥蘭 芥蘭好新鮮,而且炒得好夠火侯,辣辣地,夠哂入味! 和牛串燒($18) 幾impress bo !!和牛燒到外面香脆入面超juicy,仲有好重既牛味。 海鮮菠蘿炒飯($88) 物超所值!! 入面材料好豐富,有青口魷魚菠蘿肉鬆青豆等等,飯炒得金香入味。 泰廚泰國菜館 (旺角) 旺角通菜街126號地下