公司附近開左間韓國餐廳,主打部隊火鍋,價錢又唔貴bo,之前lunch 行過幾次都無入去。 (食到件衫成陣味,入到office咪個個都知我打完邊爐黎,super 老尷lol ) 放工終於試左!! 首先送左碟前菜先,入面有泡菜、豆芽同野菜。 泡菜好難食,完全唔入味,淨係睇顏色已經係白sai sai, 估計應該係啱啱先整好。 環境我覺得一般,無話特別因應韓國菜而調整裝修。 叫左個韓韓部隊鍋($128) 入面有冬茹、金茹、烏冬、午餐肉、煙肉、芝士腸、翠肉瓜、菜等等, 面頭既茄汁豆係水滾之後已經消失得無影無蹤…… 本身以為個湯底係清水,見佢無乜色,但原來d醬係哂底,類似韓國大醬, 味道都幾辣,但辣得黎都幾香,而且愈滾愈入味。 我覺得辣既程度同譚仔三小辣差唔多~ 雖然佢寫個韓韓部隊鍋係二人份,但我覺得唔多夠, 至少都要叫多一個石鍋飯or 兩碗白飯($10@1)。 韓韓館 中環閣麟街32-34號美輪樓地下C號舖 Follow me :) Instagram: weloveweeat Facebook : www.facebook.com/olivialovesdinning