再一次利申：以下文章有少少少少劇透，但換轉係我，透左都係會去睇嘅。 有時候同情人睇一些你無興趣或無諗過去睇嘅電影係一件幾有意思嘅事，唔單止有新鮮感，更加係一個好機會去了解一些你無接觸過嘅範疇，開拓下視野。今次又係因為阿奀想睇所以買票入戲院睇，我事前完全無睇《星際啟示錄》的trailer或者簡介，除左戲名五粒字，其他一無所知。 背景簡介一下：我唔係讀Science出身 整套電影有大量科學名詞，有些我聽過但不甚了解，如黑洞、相對論、重力、光速等等；有些直情第一次接觸，如梅菲定律、蟲洞、五次元。坦白講，電影中好多討論嘅對白情節我都跟唔切，但唔影響我理解劇情，我亦覺得呢套電視係好睇嘅。因為《星際啟示錄》絕對有令人反思嘅地方，仲唔止一個。 我地身處係四次元空間－長闊高和時間，但電影裡面講到五次元空間，我都係問番阿奀先知第五樣係咩。我諗一路支撐梅菲去花好多好多時間心力去研究解讀果個神秘訊息嘅亦都係呢第五樣野。另外，當motherland發生問題，我地會好似老教授般選擇放棄而去搵另一個新嘅motherland定會同梅菲一樣努力去嘗試解決個問題，令原本motherland得以健康延續？Motherland可以係地球、可以係香港、亦可以係家庭。 係網上搵到一篇文章講解《星際啟示錄》入面出現過嘅科學名詞（冇劇透）： http://www.vjmedia.com.hk/articles/2014/11/11/90558 係網上搵到另一篇文章講解《星際啟示錄》入面出現過嘅科學名詞（有劇透）： http://www.vjmedia.com.hk/articles/2014/11/08/90334 一星期睇兩套好戲，第一套：《飢餓遊戲終極篇：自由幻夢1》 http://kongleicouple.blogspot.hk/2014/11/1.html
