利申：以下文章有少少劇透，但換轉係我，透左都係會去睇嘅。 今個星期我同阿奀睇左兩套電影－《飢餓遊戲終極篇：自由幻夢1》和《星際啟示錄》。我仍然記得睇《飢餓遊戲２》的時候，完全不知道這是系列電影，純粹因為阿奀想看就去看了。 因此，當我坐在電影院看著最後一幕突然出現的Mockingjay。。。 Any肥，等左咁耐，終於上最終章的上半部，就算今次又係突然完結，我都要去戲院會一會佢！《飢餓遊戲終極篇：自由幻夢1》個結尾絕對好過上一次，或者我有心理準備啦，我幾鐘意Katniss好心痛咁望住Peeta發癲之後完結，成個畫面好傷感。 我同阿奀講總統好「刻毒、涼薄」，佢唔殺Peeta，但虐待Peeta並令佢一見到Katniss就聯想到恐懼痛苦，驚到會殺左Katniss。咁係好殘忍嘅做法，要兩個原本相愛嘅人變成一個痛恨另一個。現實世界裡面，我覺得金錢同政治都有同樣恐怖嘅效果，好多父母子女或者情人都因為今次黃絲藍絲而鬧交，會發覺眼前明明最親嘅人突然好陌生，唔理解對方點解咁真心反對／支持雨傘運動，最後雙方都受到傷害。 其實睇住Katniss係第八區憤恨咁對總統講:「If we burn, you burn with us」,身處於呢個時代嘅香港，好有共鳴。施惠國人民如果安居樂業，又點會想反抗都城，正正係當權者威迫欺壓人民都仲要人民感恩，日復日年復年，令民怨日深致群起反抗。我頂唔順反抗，你話總之我叛亂就係錯，就係犯法。。。唉 一星期睇兩套好戲，第二套：《星際啟示錄》 http://kongleicouple.blogspot.hk/2014/11/blog-post_30.html
