星期五晚約左幾個女仔朋友係銅鑼灣食飯傾計，由Time Square行到Hysan Place都未諗到食咩，行下行下行到13樓嘅Moments Lifestyle Café，見裝修幾靚及氣氛都唔錯，決定攞飛試下。我地雖然冇預約，都只係等左二十分鐘度就有枱。 望望成份公司文件咁嘅餐牌先，主菜$148加$68有頭盤及汽水或無限添飲凍茶，大家都俾「無限添飲」吸引左，揀左是日凍蘋果綠茶，最後發現飲一杯都夠，哈哈。四個女仔叫左四個頭盤加四個主菜，可能叫嘅都係飽肚食物，所以食唔哂。 芝士燒汁焗薯條 煙三文魚配凱撒沙律 Parma ham配密瓜 香辣雞翼 芝士通粉 肉眼牛扒大蝦 是日鮮魚－鱸魚 招牌黑松露卡邦尼意粉 如果幾個女仔朋友想搵個靜靜地、環境靚嘅地方食飯傾下計，我會推薦Moments Lifestyle Café！餐廳係希慎廣場13樓，位置上根本冇得輸，食完飯仲可以一齊行街買野，而且隔離就係地鐵站、巴士站。食物質素亦絕對有驚喜，叫嘅八樣菜都好味，最鍾意嘅係芝士燒汁焗薯條、芝士通粉及配菜薯蓉！ Blog: http://kongleicouple.blogspot.hk/
