秋天芒草季 - 嫌大東山太難行？ 可以考慮下大帽山。大帽山應該算得上是香港其中一個最容易到達既高山。可以在荃灣西巴士總站坐 51 號巴士到達大帽山野公園起步點亦可以直接駕車前往，一邊行一邊影相再休息下連回程都係2-3個鐘，輕輕鬆鬆到達高山欣賞香港既全景。前往大帽山方法：由荃灣西巴士總站上51 號巴士之後就會到大帽山郊野公園起步點註： 51號巴士係單層巴士，所以係總站上車先會有機會可以坐呀！同埋要睇住幾時有車到，因為班次唔多，平日差唔多要一個鐘班之後係大帽山郊野公園站落車過對面馬路再反方向行幾分鐘 就會見到呢個大帽山郊野公園牌就代表你到達入口啦！之後沿住馬路行就會到小食亭同公廁！補給完就可以繼續上行多 30分鐘就會見到 2 個野餐既地方可以休息一下再繼續上之後沿左邊小徑上會到達 觀景台，呢個位望向元朗一帶都幾靚望返上山又係另一靚景由小徑返返出馬路向上行多一陣就會見到左邊有一間廢屋之後再往上行就到停車場，由呢度開始就所有人都要步行上山過左停車場行10幾分鐘左右就會開始見到芒草，狗尾草，初期既芒草會係石坡上面去到 『之字形』既山徑位置就會有大片狗尾草，係呢個位可以影到狗尾草加圓形天文台塔呢個位係大帽山獨有！大東山無嫁！之後一直上山都會見到芒草，狗尾草，大家可以多啲四圍望最後到達最高點既圓形天文台塔之後就沿路回程就結束今次既尋芒之旅～P.S. 係山上聽得多既係呢個對話： 嘩！係芒草呀！！！！！：唔係芒草黎嫁！係狗尾草～哈哈哈哈哈
