唔講唔覺香港拉麵店真係愈開愈多，北海道拉麵、關東拉麵、九州拉麵、沾麵等，真係應有盡有， 此外不少拉麵店為咗吸引更多食客更創作出不同湯底，番茄湯底、甚至咖哩口味。 今次去到美麗華新開嘅麺屋武蔵就試試佢哋嘅拉麵有咩特色啦。 麺屋武蔵裝潢時尚高雅，店裡店外亦都非常和式， 令到普通的拉麵店加添一份高貴味道。 豚肉片拉麵（咖喱） 豚肉片拉麵份量都幾多，上枱時已有濃郁咖喱香味。 豚肉比較簿身，而且食落相對滑溜。 咖喱湯底香味較重，辣度剛剛好唔食辣嘅朋友都岩哂， 而且飲落都好舒服，咖喱味之中帶點豬骨湯甜味。 拉麵煮得剛剛好，麵質爽滑且彈牙， 連埋咖喱湯底一齊食相當惹味。 慢煮雞肉沙律 開胃的前菜小食，慢煮雞肉真係好滑， 而且食落亦有好多肉汁，唔錯。 唐揚豆池魚 食材新鮮食到豆池魚肉味相當濃郁， 係一個非常唔錯嘅送酒小食。 七味雞軟骨唐揚 雞軟骨炸得非常香口加埋七味炒、檸檬汁、沙律醬味道相當豐富。 麒麟啤酒 鐘意啤酒嘅朋友真係岩哂，同場麒麟啤酒做緊７折優惠，真係非常抵呀！ 而且一啖拉麵、一啖啤酒真係相當滿足。
