好快就返香港，所以要趁今日天皇生日補假去大掃除。 朝早8點唔夠就起身倒垃圾，因為分類的關係，今日唔掉就返香港之前都無得掉，所以放假都要一早起身。之後食完早餐就執屋、執衣櫃、吸塵、抹地⋯⋯等等，最大工程就係洗沖涼房。 之前都有寫過沖涼房清潔，住耐咗最麻煩就係黑色的水垢。做咗好多research，睇咗好多除水垢的用品，又睇咗好多product review，最後喺Amazon買咗呢一支，因為有好多好評！ 其實已經買咗一段時間，不過懶拎出嚟用。今日一試，真的不得了。噴喺水垢上面，擺15分鐘，之後用水一沖就除到。圖中沖涼房門本身有好多黑色水垢，試過用其他spray加再刷都唔得。今日就一次過搞掂，連難洗接位都一take過，好開心！ 其實呢支spray唔單止可以除水垢，仲可以用喺其他地方，下次試的時候再分享。
