有山有水有峽谷🗻 人稱東涌五龍之首既黃龍石澗🐲 趁假日下晝行一吓 未涉水先要行一條長長既黃龍坑道 好在沿途都可以賞吓花弄吓蝶 未至於太過枯燥🌼🦋 澗道初時平緩 一時涉水 一時繞路 算係容易通過 到黃龍主瀑開始要節節上升 攀爬亦都漸多🧗 瀑頂龍窟潭水清見底 係石澗中難能可貴既玻璃水 斜陽輝映 灑向波紋 反照出連環不絕既光芒🔆 步入三龍峽之中 兩邊岩壁高聳筆直 📐 左右兩龍從崖上飛瀉而下 又係石澗道上少見既山峽景色🌊 喺盡頭靜候既係龍尾瀑 坐石背水 甚有深屈練功既意味🙏🏻 行山溯澗 想搵吓一種避世既錯覺 可以走一趟黃龍石澗🐉 嗱 唔好話我唔袋錢落你袋 最好唔好星期日去 好多姐姐喺度載歌載舞 要上攀黃龍瀑先可以稍為清靜落嚟 路程：赤鱲角新村 - 黃龍坑道 - 臥龍長嘯石 - 黃龍瀑 - 龍窟潭 - 三龍峽 - 左龍瀑 - 右龍瀑 - 龍尾瀑 - 原路返回 歷時：六小時（包括一小時休息及拍照時間） 交通：於東涌達東路巴士總站乘34號嶼巴至赤鱲角新村(注意部份班次不經該站 必先查清車期)即可起步 終點可以同樣方法離開 喜歡的話請記得留言、點讚和訂閱我的頻道！ 歡迎追蹤訂閱我的 YouTube: Zantriz / 山齊士 Instagram: zantriz Facebook: Zantriz Lam
