死神石澗 💀屏南石澗 趁半日時間試下行行屏南石澗🚶🏻 一睹聞名既 五步一潭 十步一瀑 特別係其中水氣飛散既草裙瀑 本身諗住去埋屏嘉石澗石板潭 睇埋全港最大既壺穴區🌊 可惜時間緊迫⏳ 只能夠走馬看花 簡單遊覽📸 就要開始歸程⏪ 旅途遺憾 有時都係俾個藉口自己舊地重遊 話時話 溯澗無易路 有意挑戰既朋友謹請量力而為⚖️ 路程：南涌強記士多 - 屏南石澗 水壩 - 草裙瀑 - 南涌郊遊徑 - 原路返回 歷時：四小時（包括一小時休息及拍照時間） 交通：於粉嶺乘56K號小巴至南涌即可起步 終點則可以同樣方法回到粉嶺離開
