一天只做一件事 之 三牙全走 九點半由石壁警崗開始上行 初段石壁郊遊徑 已經要迎戰樓梯地獄 越諗越興奮 點解興奮？ 因為轉個頭要exactly 行多一次 早兩年行過一次西狗牙 都係東狗牙落 但當其時落返水口就走頭 始終舊時少行 經驗不足 行之前都有少擔心東狗條沙石斜坡 但似乎沙石比起舊時少得多 降低咗唔少難度 話雖如此 但東狗早段都冇咩借力位 唯有搵石落腳 放慢步伐 用咗四個鐘返返到最初既郊遊徑起點 沿山脊上攀 又返到一線生機 轉向斬柴坳前進 到小鳥回頭為止啱啱好七個鐘 因為天未黑 選擇回程漫步 去方埋便補埋給 啱啱好撞正巴士都到 都算係小確幸 近期疫情嚴峻 多多保重 祈願大家百毒不侵 路程：石壁警崗 - 塘福引水道 - 石壁郊遊徑 - 西狗牙嶺 - 一線生機 - 狗牙嶺 - 東狗牙嶺 - 水口燒烤場 - 引水道 - 石壁郊遊徑 - 中狗牙嶺 - 一線生機 - 閻王壁 - 小鳥回頭 - 斬柴坳 - 鳳凰徑第3段 - 心經簡林 - 昂平路 - 昂坪巴士總站 歷時：八小時（包括一小時三十分鐘休息及拍照時間） 交通：乘嶼巴11或23號至石壁警崗即可起步 離開則可於昂坪巴士總站乘23號回到東涌市中心
