霧聚霧散鳳凰山 又到聖誕 趁假期又未係太凍 拜會下鳳凰山 記得上年除夕行嗰時得攝氏八度 啲冷風撲埋嚟刺痛到不得了 不過今年其實都唔弱 濕氣重既日子 行鳳鳥石脊 行到鳳鳥石就開始有強烈既陣風 打到戴住口罩都流哂鼻水 好在全程都平安完成 唔知係咪大家平安夜都忙 喺一樹洞歇吓影吓相咁 成粒鐘完全冇人打擾 上到鳳峰開始起霧 包圍住成個山頂 風勢亦都有減緩 時聚時散 山下既景色蒙上一層飄動既白紗 相當迷幻 可能都算係某程度上既應節？ 路程：昂坪 - 昂平路 - 心經簡林 - 鳳凰徑第4段 - 法門古道 - 中道亭 - 鳳鳥石脊 - 鳳鳥石 - 北巖棧道 - 一樹洞 - 羅漢塔 - 鳳峰 - 鳳凰徑第3段 - 斬柴坳 - 小鳥回頭 - 折返斬柴坳續走鳳徑3段 - 心經簡林 - 原路返回 歷時：五小時（包括兩小時三十分鐘休息及拍照時間） 交通：乘大嶼山巴士23至總站即可起步 離開方法同上 喜歡的話 歡迎追蹤訂閱我的 YouTube: https://www.youtube.com/c/zantriz Instagram: https://www.instagram.com/zantriz/
