九大石澗之十五 苗三石澗 係呀終於行完有十五條既九大石澗 老實講呢度賣點石多於澗 夾路分散住赤紅色既岩塊同石坡 當然唔少得大東北聞名既壺穴 澗道同山徑相鄰交錯 沿途會見到唔少蝴蝶 蜜蜂 靜流之下 尤其上游 亦都潛藏咗一堆堆既魚仔 有興趣既 可以停低重溫吓魚樂無窮 (爛gag)Btw如果我係政府就搵苗僑偉同條石澗宣傳吓 路程:烏蛟騰 - 印洲塘郊遊徑 - 苗三古道 - 上苗田 - 下苗田 - 苗三石澗導賞牌入澗 - C2707標距柱前方出澗 - 三椏涌 - 至紅樹林掉頭 - 沿苗三古道及印洲塘郊遊徑原路返回 歷時:五小時四十分鐘(包括一小時四十分鐘休息及拍照時間) 交通:乘坐275R號假日限定九巴至總站下車 前行至苗三石澗導賞牌入澗 離開方法同上 喜歡的話 歡迎追蹤訂閱我的 YouTube: https://www.youtube.com/c/zantriz Instagram: https://www.instagram.com/zantriz/