上次東京旅行，專登去咗銀座LV旗艦店嘅LE CAFE V，係全球第二間LE CAFE V 咖啡廳☕️ LE CAFE V係旗鑑店7樓，暫時無得預約，只可到現場排隊等候。不過我當日平日下午去到都唔使排隊，直接可安排搭電梯直達餐廳。但記得要係大門問職員，因為好多人排個條隊係入LV旗艦店，而去Cafe就唔使點排。 餐廳融合咗唔同嘅藝術元素，融合傳統與現代設計。餐巾掛上LV吉祥物Vivienne，職員介紹可帶走做留念。 Lunch Set由11:00-15:00供應，15:00後暫時沒有提供Tea Set。除咗有🔸5 course (¥9500)，亦有🔸3 course (¥6500) 及 🔸沙律飲品 （¥5800），以上三款都需加一服務費。個人覺得套餐性價比會更高，有興趣試記得留意供應時間。 5 Courses Lunch Set ¥9500 + 10% service fee (Salad + Soup + Main + Dessert + Drink) 🥗有機時令蔬菜混合沙拉 🥣時令蔬菜湯 🥣青森夏日“巴黎之夜”風格蘿蔔冷湯 兩款湯都有些少見嘅食材，唔係平時食到，好特別。冷湯有些高湯啫喱，口感清新。 🥩自家風味和牛肉餅扒配經典德米格拉斯醬 （可選擇米飯或麵包） (+ ¥1000) 好值得升級嘗試，漢堡扒非常入味，鎖住肉汁，口感彈牙而入口就溶化，好好食。 🍖本日特餐 (Dish of the day) 羊肉配蕃茄燉蔬菜，羊肉炆到綿密入味，不過就帶些羊羶味。 🍫奶油黑巧克力慕斯、煙燻茉莉甘納許、牛奶冰淇淋 🍫經典歌劇蛋糕 兩款嘅朱古力味都好香濃，非常有層次，雪糕亦帶香濃牛奶味。 ☕️V咖啡拿鐵 🧋V 冰拿鐵 前面寫V嘅飲品都有LV拉花圖案，打卡好靚，拿鐵味道都好唔錯。 最後兩人¥22000 連税，整體環境舒適，服務非常好，職員友善又有禮貌，食物都高質素，值得回訪☺️ 📍ルイ･ヴィトン 銀座並木通り店 7階 地址：東京都中央区銀座7-6-1 #louisvuitton #lecafev #lvcafe #銀座 #lv旗艦店 #Vivienne #日本 #日本旅行 #東京 #日本美食 #東京美食 #東京旅行 #打卡 #打卡cafe #japancafe #tokyocafe #hkfoodie #hkblogger #hktravelblogger #travelblogger #tokyo #tokyotravel #japantrip #hkgirl
