之前我都講過，我好少飲手搖嘅飲品，但而家真係有好多唔同種類嘅手搖，特別係水果系列，令到我由唔鍾意到而家係完全愛上。😍😍😍 早前屋企附近開咗間手搖飲品，係自己區嘅facebook群組成日都有人推介，我又心思思又想試下，但又踏出唔到呢一步去買，所以就同老公講，老公就話想試就試啦！唔好飲最多佢幫我飲，咁我就去試啦！真係估唔到，當試咗第一杯之後，就吸引咗我，應該咁講，唔止係我，連我老公都係愛不釋手，一致好評。🥰🥰🥰 E.TEA茶星人 地址：紅磡德民街29號德民大廈地下B2號舖 🥤水果大爆炸 - 就係呢杯，令到我愛上手搖水果茶。 🥤金星菠蘿 - 店員妹妹極力推介，真係好飲。 🥤草莓撞上番石榴 - 呢杯就一般，可能我唔太鍾意草莓，我個人認為有草莓嘅飲品就會有藥水味。 🥤火焰紅柚 - 紅柚係我最愛嘅飲品。 🥤菠蘿乳酸梳打 - 呢杯配埋烤肉就完美，真係好正。 🥤水星蜜桃 - 好多果肉，茶味好香。 🥤蘋果硬碰火龍果 - 蘋果真係唔夠火龍果碰嫁。 🥤紅柚乳酸梳打 - 同菠蘿乳酸梳打一樣咁正。 🥤芒果雙朱脆皮 - 有芒果蓉，仲有朱古力碎，一定要攪拌晒先飲。 🥤蜜桃紅柚四季春 - 兩者好夾，好突出四季春嘅茶味。 店員全部都係後生仔女，禮貌好，服務好，細心，又主動推介同介紹，每次去到買嘢飲都會有好舒服嘅感覺。🤗🤗🤗 我會為大家帶黎煮食、食譜、飲食同資訊分享比大家，請多多支持🥰🥰🥰 記得追蹤我嘅facebook 同 IG 專頁呀！ FB: https://www.facebook.com/winnieandlife IG: https://www.instagram.com/winnie_winnie21 UBlog: https://blog.ulifestyle.com.hk/winnieleung21 #E.Tea茶星人 #手搖 #水果茶 #手搖水果茶 #服務好 #細心 #紅磡 #黃埔 #相機先食 #烹飪 #美食 #食譜 #煮食飲食 #yuenlongfood2020 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
