呢次同老婆成功兑換1A 1K座位, 其實本來一直想換2A俾老婆, 因為左邊係最有私隱座位, 但去到online check in時仍未能成功改座位, 唯有分開下16個鐘啦! 國泰頭等艙座寬敞舒適,餐飲非常美味, 只要你想食嘅時候通知佢就即刻安排, 唔會指定時間, 非常好, 餐枱可以改裝成二人餐桌, 享受三萬呎高空fine dining, 唔駛孤單進食, 呢種享受真係只會係頭等艙先有. Krug 2004香檳原來有quota, 當時頭等6個位全部坐滿, 一晚過後, 竟然無貨要飲Rare Millesime 2013代替, 本人都係飲咗佢半支啫😂 頭等有配Bamford過夜包, Pye派睡衣呢件真係極品, 好舒服, 搞到想再買多件屋企訓覺著😜 600針純綿床墊非常舒服, 枕頭已噴上薰衣草香味, 再補上一支, 等你可以在香味中入睡, 所以瞓得好舒適, 搞到無食傳説嘅空中漢堡包, 算啦😅 最後Comment, 體驗一次頭等艙確實唔錯, 將來國泰改咗新艙後或者會再試下, 但真心覺得商務艙啱我多啲, 比較自由, 唔駛下下都要空姐空少代勞, 唔係太想要麻煩人. Song: World's best first class, can't you see? (終於有屬於自己嘅歌)
