今次想介紹11款唔同口味嘅白兔糖～ 話說朋友攞咗一袋來自上海嘅白兔糖嚟 gathering，另一個朋友開嚟睇，原來有唔同嘅口味，八卦嘅我，倒晒出嚟睇吓有幾多種味，原來有10種唔同口味，加埋原味總共有11款！點解咁耐先出到 post？為免自己糖分爆標，我分咗好多日食先試得晒🙃 🍴酸奶味奶糖⭐️⭐️⭐️⭐️⭐️ 係討好嘅 yogurt 味，唔算好甜 🍴原味⭐️⭐️⭐️⭐️ 兒時嘅味道，感覺比大部分嘅口味好同正常，但稍稍覺得酸奶味再好丁丁 🍴榴槤味奶糖⭐️⭐️⭐️⭐️ 出奇地唔錯wor，好香榴槤味，又唔係勁甜 🍴清涼奶糖⭐️⭐️⭐️⭐️ 帶淡淡薄荷味，似甜版嘅「蝕」薄荷糖 🍴紅豆奶糖⭐️⭐️⭐️⭐️ 好似食緊「奶奶公司」嘅紅豆雪條嘅味，真係似 🍴芒果味奶糖⭐️⭐️⭐️⭐️ 同上面好似，就係似同一個品牌嘅芒果雪糕味，又係真心似 🍴椰奶味奶糖⭐️⭐️⭐️ 有椰奶味，比較甜，唔特別討好，又唔特別討厭 🍴桂花味奶糖⭐️⭐️⭐️ 一食落去唔太覺同普通白兔糖有咩分別，桂花味係食落後先感受到，可接受，但唔算好夾 🍴咖啡味奶糖⭐️⭐️⭐️ 3合1即沖咖啡味，正常 🍴抹茶味奶糖⭐️⭐️⭐️ 正常嘅假假抹茶味，正常發揮，微微偏甜 🍴香蕉味奶糖⭐️⭐️ 香蕉味係幾明顯，相對係比較甜，甜到有D 嗆喉 整體上咁多款味真心係gimmick only，暫時只有一款味係完勝原味，如果唔係想試晒去分享，可能試咗一半都未必想再試落去😆 ☆My IG @tracyloveliving ☆
