放假去玩最想忘憂～ 一個套票包含高質美式大餐、凌霄閣摩天台428、山頂纜車來回，還有手蠟工作坊，想悠閑遊山頂話咁易！阿甘蝦家庭套餐更可選擇外賣自取，拎去山頂公園野餐非常方便！ 自細陪伴我哋成長嘅山頂纜車即將退役，換新車之前一於帶兩姊妹遊山頂順道拍照留念～ 一向知道旅遊平台偶爾會有平車票，但原來遊山頂package都好抵玩，包一餐著名餐廳阿甘蝦，又有workshop玩，價錢都係幾百蚊起有交易。 ▫️阿甘蝦餐廳家庭套餐 食物和風味絕對係「鬼佬」style～ 味道無得彈，連配菜蒜蓉包都香到爆！ Fish & chips超大份，配菜絲沙律，嚿魚炸到外脆內嫩又juicy，個個都食唔停口～ 秘製豬仔骨燒到好淋，醬汁好濃味，言爸爸食左half ribs！結果兩個main咁大份都食哂，留返個大蝦意粉拎走，因為仲有甜品Chocolate brownie with Ice-cream！ Brownie勁香勁有咬口，加埋個環境真係有一刻以為自己身處外國去緊旅行。 #其實同小朋友第一次去嘅地方同旅行無乜分別 ▫️ 凌霄閣摩天台428 食到勁飽就直接上餐廳樓上嘅摩天台行個圈～ 一齊喺山頂最靚位睇香港美景！摩天台有收費望遠鏡，兩姊妹睇到勁興奮！臨走仲去咗畫牌仔掛喺許願台，真係好似去旅行會做嘅野～ ▫️手蠟工作坊 同言爸爸拍拖嘅時候曾經整過手蠟，估唔到再整就係同言妹妹一齊～ 言妹妹好叻叻，手仔好定，估唔到5歲小朋友都整到！言妹妹仲話整手蠟係全個旅程最開心嘅事～ 山頂廣場翻新之後好行咗，有熱情笑店by Donki進駐，又有 Build A Bear workshop可以自己整毛公仔，仲有Wooderfullife DIY音樂盒店，其實用比起旅行平嘅價錢已經可以做到旅行質素，小朋友真係覺得去咗轉旅行咁！想加強旅行feel，不妨book埋酒店staycation，玩完山頂直接返酒店嘆，諗起都開心！ #山頂 #假期活動 #復活節假期
