Blog香港好去處 香煎虎蝦·濃蝦湯沾麵（$98） 其他口味依然落重本！蝦湯用咗兩款唔同嘅蝦熬足九個鐘，而且先炒過帶出味道，聞起嚟鮮味自然雙倍濃郁。沾湯加上櫻花蝦，沾麵底亦加上餐廳自製蝦油，令成碗沾麵蝦香十足！ 灸燒豚肉·濃骨湯拉麵（$68） 湯底用豬骨加少少雞腳熬成，有豬骨香但比坊間一般嘅豚骨湯清，唔會食兩啖就覺得太濃或者太鹹。豚肉灸燒過後多咗一份火灸香味，肉質偏瘦而唔柴。 和牛餃子（$68/3件） 日式拉麵店中又點少得餃子呢，而係呢間主打和牛嘅拉麵屋中，餃子亦唔係普通嘅豬肉餡，而係A4和牛餡！煎至外脆內Juicy，牛肉香突出。
