今次約左朋友食日式火鍋放題 生日飯食到尾聲了 呢間放題火鍋係一人一鍋既食法 自選湯底,有自助區提供熟食同甜品,丸同菜 午市最平98蚊,美國牛$178,有9種湯底選擇 晚市最貴$268,周末再加$10 有雞湯,昆布湯,麻辣,豚骨湯,壽喜燒等等 落單係用電話掃QR碼,咁直接落十盤牛肉 湯底同牛肉大約十分鐘就會上菜 唔會浪費好多時間,襯佢地準備湯底同時 出去自助區拎下唔同既食材,有丸,菜,麵等等 可以食到澳洲和牛,美國SRF牛,極上牛 阿古豬,特選雞肉,豬五花肉 不過我唔建議點平價肥牛,太肥唔好食 直接點美國牛肉就OK,肉比較高好多 肉味濃郁脂肪少,食落彈性有肉味 必食佢個芝士丸同日式豆皮 蔬菜類都好新鮮亦有洗乾淨,食得安心 飲品有多款茶水同支裝飲品任飲 汽水機可以自行調校口味,仲有得加冰 自助區分為熟食,蔬菜,醬油料,自助格仔餅機 醬汁都有幾款配搭,其中以柚子昆布最開胃 酸甜刺激食慾,食肉最怕油膩感重 蔬菜有十幾款唔同選擇 另外仲有蛋,公仔麵,烏冬等等 丸類都有十幾款 每款試少少都已經好飽,同埋好快就夠鐘埋單 地址:彌敦道700號T.O.P 地庫FoodYum R1號檔 平均消費 $200 評分:8/10 特點或優點 日式放題,一人一鍋,食材選擇豐富 食物有水準,服務態度好
