零差評,仲有百幾個好評,就咁睇應該幾唔錯 佢杯可愛造型既咖啡係網上群組好多人介紹過 當日下午3-4點過到去都一樣排滿人,已經好似係平日到訪也要排隊 走簡約風西式cafe風格,主打特色招牌咖啡,配搭唔同拉花圖案 配搭唔同既小吃或意大利飯或意粉,仲有全日早餐 選擇上唔算多,但味道食落係滿意,食得出用心煮,唔係hea做 係一間有自己風格既cafe 坐位不多,約20個左右吧~ 先點一杯小恐龍鮮奶咖啡 $65,淺藍色既奶泡,畫成恐龍圖案 可愛之餘,咖啡味飲落味道濃郁,泡幼滑,唔止睇得,仲飲得幾好飲添 另外仲要左杯青檸soda,岩曬夏天飲,夠清爽 主食,香煎雞扒意大利飯,做得燴飯,唔會太多汁令食起來像湯飯,醬汁份量控制得宜 食到奶油忌廉夠濃香,飯粒食到仍有少許帶硬,口感好,雞扒外皮煎得好脆口,雞肉醃味偏淡 小吃,柚子雞翼,炸得香脆,再抹上特製柚子醬,香脆之餘帶酸甜,咬開雞翼係仍然好有肉汁好嫩 全日早餐,番茄,黑松露炒蛋,半隻牛油果,沙律菜,烤多士 炒蛋夠滑,拌勻松露醬食更添風味,多士有烤烘過配埋牛油果食味道岩岩好,又唔會太飽 平均消費$150 銅鑼灣希雲街22-24號地舖 評分7.5/10 #銅鑼灣美食 #銅鑼灣cafe #Sleepless #sleeplesscafe #canonphotography #BLOG #blogger #HKBLOG #hkblogger #HKFOOD #HKFOODBLOG #hkfoodblogger #HKIG #HKIGFOOD #HKIGFOODBLOG #hkigblogger #foodie #foodiehk #hkfoodie
