$78起任食90分鐘點心放題 全香港最平,沒有之一 每位灌湯餃一客或乳鴒一客 仲要包任飲,可樂果茶茶水任飲 先上網站預訂,再用電話去預約 平日多位,周末就難約,要自己搶時間預訂 輝哥私房菜 有50幾款食物任選 全部即點即蒸,新鮮熱辣,包括蝦餃,鮮竹卷 燒賣,奶黃包,即拉腸粉,各種粉麵炒飯,特色小吃 講真呢個價錢仲食90分鐘 出面食4碟都唔止呢個價錢,性價比無敵 兩條友,食左2碗粥,多款點心各一份 大約10-15分鐘就上菜,唔算耐! 私心教你攻略,坐低即畫紙入單,入座之前睇定食乜野點心同粉麵飯,唔係D單塞車等好耐 另外有個自助區,放了魚蛋咖哩豬皮等港式小吃 可以先吃住先,等點心再上菜 飲品櫃任飲自助取用,飲得曬先好拎 椒鹽魷魚炸粉厚但味道唔錯 湯餃太多料,味道好複雜 乾蒸燒賣好出色,皮薄餡鮮,鮮肉燒賣同樣高質素 燒賣類係招牌之作,推薦! 蝦餃都賣相靚仔,餡料亦多有2隻蝦肉 蒸餃皮夠薄,唔會太厚皮,係菜肉餡 棉花雞,蒸牛肉球,份量都係一人份 雞肉滑但無咩味,淡左D,牛肉球同平時差不多 粥品夠綿滑,係唔夠熱 另一款野菌粥就夠熱,料亦好豐富 即拉腸粉今次就有進步,唔會太厚皮同濕身 地址－佐敦長樂街18號18廣場2樓 環境／設施－舊式酒樓環境但分隔距離夠 特色－價錢上無得彈,食物水準亦比以前進步 超值抵食! 人均價格－$80 評分－8/10 【參考餐單】 點心 - 水晶蝦餃皇、鮮蝦莧菜餃、四寶雞扎、蟹子燒賣皇、薑蔥牛柏葉、 上湯蟲草花鮮竹卷、松子芋粒餃、蒜香咖哩魷魚、豬潤燒賣、豉汁蒸排骨、 流心奶黃包、巧手潮州粉菓、山竹牛肉球、小嬌白玉棉花雞、時菜鯪魚球、蜜汁叉燒包、鼓汁蒸鳳爪、香煎日式餃子、韮菜鮮蝦餅、芝士鮮蝦春卷、安蝦咸水角、杞子圓肉桂花糕、原隻馬拉糕 腸粉 - 韮皇鮮蝦腸粉、蜜汁叉燒腸粉、香茜牛肉腸粉、布拉白腸粉 田園蔬菜 - 椒絲腐乳通菜、蒜蓉菜心、麵醬唐生菜、豉汁生炒涼瓜、白灼時蔬(菜芯、西生菜、通菜、唐生菜) 巧手小食 - 招牌避風塘九肚魚、八味脆豆腐、椒鹽茄子粒、凉拌拍青瓜、涼拌小木耳、胡麻秋葵、蒜片牛柳粒、香煎蓮藕餅、酥炸墨魚花、四川口水雞、芥茉涼拌四季豆 豐衣粥食 - 瑶柱帶子肉片粥、生滾綾魚球粥、北菰滑雞粥、皮蛋瘦肉粥、野菌粟米粥
