旺角彌敦道726號一向都好出名有好多高質嘅餐廳，今次就去到頂層嘅Sky726，擁有超震撼嘅高空市景景觀！ 環境浪漫，佢地主打精緻高質西餐，不論係約會😏定係慶生都非常有氣氛😍 . 🐷芒果鮮蝦伴柚子醋沙律🥭 爽甜鮮嫩嘅鮮蝦配埋多汁香甜嘅芒果肉，沙律菜非常新鮮爽脆！淋上微酸清爽嘅柚子醋汁，酸酸甜甜極之醒胃，作為頭盤開胃一流！ . 🐷手工蟹餅🦀 煎到外層金黃酥脆，面頭有啲魚子醬，裡面包裹住滿滿嘅鮮美蟹肉，真材實料！ 咬落去肉質鮮甜多汁，伴隨住淡淡嘅香料香氣，口感層次超豐富🥰 . 🐷美國特級安格斯肉眼扒🥩 肉眼扒份量十足，煎到火候剛剛好！ 切開見到漂亮嘅粉嫩肉色，入口牛味極之濃郁多汁，肉質軟腍帶有嚼勁😋 . 🐷烤龍蝦尾扁意粉🦞 龍蝦尾肉質彈牙爽甜，鮮味十足，上面仲鋪咗層芝士去烤，龍蝦充满好濃嘅芝士味🧀 扁意粉煮得剛好有咬口，吸唒濃郁嘅海鮮醬汁，每啖都極致滋味～ . 🐷Tiramisu🤎 賣相精緻打卡able，儀式感十足！ 呢個Tiramisu味嘅蛋糕入口即融、甜度適中兼帶淡淡嘅咖啡香🥰 . 🐷Choco's Party🍫 朱古力控絕對不能錯過！濃郁香醇嘅朱古力特飲，口感順滑綿密，甜而不膩，賣相仲超吸引！ . 🐷Strawberry Cream 賣相勁打卡able😍 帶有濃郁甜美嘅士多啤梨香氣，配埋滑順嘅奶香同 Cream，非常好飲！！ . Sky726 📍旺角彌敦道726號25樓 . #旺角 #旺角好去處 #旺角美食 #日落
