歎齊爵士燉湯、鎮店芝麻雞 🐓 仲有黑松露蝦多士極惹味！ . 🐷📌 #豬西食土瓜灣 #豬西食九龍 . 今次去咗土瓜灣安徽街嘅喜滿樓菜館食飯，試咗佢哋嘅超筍懷舊宴🤣 呢度主打傳統街坊風味嘅經典中菜，鑊氣夠之餘，食材配搭仲好有誠意，非常啱一家大細或者同班朋友聚會！ 嚟緊父親節，小編相信呢一間餐廳嘅菜式真係絕對啱咁多位爸爸食✨ 因為高質之餘 又可以俾爸爸們食下啲好耐冇食過嘅菜式😍 . 🐷爵士燉湯 呢個燉湯真係誠意之作！雖然係經典之作，但係唔係度度都有得飲😂 湯底用咗蜜瓜、螺頭、金華火腿同豬展雞腳等材料足料熬製😍 入面仲有幾隻雞腳 非常足料！！ 一入口就感受到超級濃郁嘅鮮甜清香，蜜瓜嘅甜味同金華火腿嘅鹹香好夾架！ 滋潤又好飲❤️ . 🐷鎮店芝麻雞 不愧係鎮店之寶❤️ 平時去普通酒樓食嘅芝麻雞或者類似嘅菜式都好普通 小編第一次食呢個咁surprise 、咁高質嘅😆 雞皮表面鋪滿咗密密麻麻、炸到好香嘅白芝麻，入口極之酥脆。入面嘅雞肉依然保持到嫩滑、有雞味，夾埋淡淡嘅芝麻油香，層次感好豐富！！ 就算呢個套餐咁多嘢食，食唔晒都唔緊要，小編隻雞都食淨一半，然後攞返屋企氣炸！仲係keep住非常好食✨ （因為小編覺得呢個餸比起其他餸更易打包拎走🤣） . 🐷黑松露蝦多士 + 鳳尾鮮蝦球 多士炸到金黃色而且唔太油膩，咬落去「卜卜脆」 鳳尾鮮蝦球都差唔多～ 大大粒架～ 上面嘅蝦膠極之彈牙有鮮味 再配埋香氣四溢嘅黑松露醬 松露香氣都幾夾 . 🐷西蘭花炒龍躉 龍躉魚塊切得大件，魚肉結實彈牙，鮮甜無比！！真係少有咁高質～ 同平日茶記嘅粟米斑塊簡直就係天淵之別冇比得比！ 加埋爽脆嘅西蘭花一齊大火快炒 成道菜充滿鑊氣 鹹鮮調味啱啱好～ . 🐷蓮藕煎肉餅 肉餅表面煎到微焦香脆，入面保持到多汁肉嫩！！ 最正係入面加咗爽口嘅蓮藕粒，令到肉餅當中多咗一層爽脆嘅嚼勁，口感豐富～ . 🐷錦鹵雲吞 賣相好吸睛！ 小編就係之前睇過衛詩雅YouTube介紹，但係一直都未食過呢一個菜式～ 雲吞皮炸到好似一朵花咁，極之鬆脆香口，完全無油膉味 點埋個酸酸甜甜、配料十足嘅五柳酸甜汁（錦鹵汁）一齊食，開胃又醒胃，一食就停唔到口！ . 🐷金絲銀柳 其實即係海鮮炒粉絲！粉絲炒到條條分明、乾身得嚟又夠入味，完全無黏埋一嚿 入面仲加咗唔少海鮮配料一齊炒，吸盡咗海鮮嘅鮮味，香口得嚟又帶有鑊氣！ . 🐷糯米糍 食到最後 仲有少少甜品～有唔同味比大家食～ 糯米糍外皮煙煙韌韌 有紅豆、芝麻、花生味㗎！！ . ☎訂枱的話就打去23331448 記住一定要提前訂！！ . 喜滿樓菜館 📍九龍土瓜灣安徽街2號地下 . #吃貨日常#香港#中餐#堂食#好西#食#香港美食 #hkfoodie #foodiehk #土瓜灣 #土瓜灣好去處 #土瓜灣美食
