今日係最後壹个全日喺倫敦，計劃去逛街血拼。首先搭地鐵去Knightsbridge嘅Harrods，雖然知道係賣貴價貨，但仍然值得行下及睇吓𥚃面嘅裝修，特別係Central escalator嘅埃及式裝飾，可能老板係埃及裔。 地牢那層有些Harrods主題嘅手信出售，我們買了兩個袋比屋企人。其中有部份朱古力是半價，但我們沒有太大興趣。地下那層主要是售賣化妝品及食品，其中部份化妝品套裝有半價，有個大陸女人一下子就掃咗10多套，唔知是否做代購呢？Food Hall那邊都好吸引，但都係高糖份嘅嘢，真係有得睇無得食。 中午搭地鐵去唐人街食午餐，現時唐人街已經無港式茶餐廳，呢間「八大八小」只係港式餐廳，沒有我至愛沙爹牛肉麵，唯有叫沙爹牛撈丁代替。 食完飯沿着Regent Street行去牛津街，好多嘢不是太貴就係香港都有，只係齋睇唔買，最後喺間健康產品店買了些食品，然後返回酒店休息下。 傍晚搭地鐵去Portobello Road，電影Notting Hill拍攝地，由Hugh Grant及Julia Roberts主演。去到road market嘅攤檔好多已經開始收檔，可能係星期一及落雨有關。 好多遊客都是為上述影片拍攝場景而來，包括不同顏色嘅住宅、主要場景所的書店、男主角住宅的藍色大門等。 睇完搵了間酒吧吃飯，網上評分都幾高，除了飲品外我們叫了壹台海鮮拼盤及牛扒。味道不錯，而家賣相好好，只是價錢有點貴。不過這是今個旅程最後壹頓喺倫敦嘅晚飯，貴少少都沒所謂，只要食得開心就可。
