原本今次旅程約了太太的朋友在雷丁（Reading）見面，由於她有急事返回香港，唯有今次與太太只過去行街下。 雷丁上次1月我已經去過，去程是坐Elizabeth Line，今次來回Paddington至雷丁都係坐GWR火車，中途不停站，不用25分鐘，兩人來回只需30鎊左右。 由雷丁火車站直行便是Broad street購買街，各種商店應有盡有，有大型購物商場The Oracle，我們在間茶葉舖買了些茶葉作手信。Oracle後面便是Riverside，食肆集中地，環境不錯。我們在間日式餐廳吃午飯。 從雷丁先返回酒店放下東西，再搭地鐵去號稱倫敦最大的購物中心Westfield逛公司。Westfield很大，相信逛半日都逛不完，商場有間日式超市，內裡有日式快餐，但睇落價錢有點貴。 除了一般High Street嘅店鋪外，尚有不少名牌店。其中Mark & Spencer有三層，我們隨便看下便去底層的Food Hall行下，買了些水果及食品。今日都行了好耐，加上落雨，唯有返回酒店休息。 晚上去朋友幫手嘅壽司連鎖店幫趁，喺位於倫敦猶太人區Golders Green，由酒店坐地鐵直到，地鐵站行去只需5分鐘左右。 壽司店可以任點任食或散叫，任食好似每人£27，而散叫係Menu上面半價。我們叫了幾樣野，朋友私人醒了兩條鰻魚卷，加上飲嘢只係40鎊，已經包埋服務費及小費了。至於味道都唔錯，與香港的壽司店有得比。
