今日早上預定了坐遊覽船，下午去鹿特丹。早上喺房間吃早餐，稍為坐下便到酒店大堂寄存行。酒店係無免費寄存行李，但有locker可以租用，大件行李6個鐘收€ 4歐元。 退房之後行去酒店附近嘅碼頭上船，提早了15分鐘。遊覽船繞着阿姆斯特丹巿中心約壹小時，穿過不少運河及橋樑。船上有19種語言的解說可供選擇，加上船長不時會講些笑話，時間很快就過去。 落船時大概為11點半，跟著去紅燈區及唐人街行下。雖然只是12點，窗廚內的性工作者部份已經開工。全部都係上咗年紀嘅嬸嬸，同香港砵蘭街嘅北姑差好遠。 沿路去唐人街，只係兩個街口咁大。有超市、中醫診所、旅行社、餐館等。我們行了壹圈，終於選擇了間西安食店，我選擇了紅燒牛肉麵，蒸水餃，甜酸青瓜及飲料。 外甥因為來了阿姆斯特丹辦事，2點鐘來酒店載我們去鹿特丹。中途去了間韓超買點東西，加上有少少塞車，4時許多才抵達姐姐的家。晚上在姐姐的餐館吃晚飯。
