今日相對輕鬆，早上去完釜山塔後，便會去南浦洞行街購買，下午行程則未定。 食完早餐便坐地鐵去南浦洞，出來坐電梯上南頭山公園上嘅釜山塔。釜山塔10時才開門，門票大人12,000 won。塔上其實沒什麼特別，只是拍下照，不用20分鐘便可以下來。 跟著去購物街行街，其實琴日都來過附近，距離昨天去的札嘎其市場很近。大部商店都是10或11時才開門，有些東西都算平宜，更在Daiso買到香港找不到的東西。 呢幾日都係食韓餐，午餐吃意大利菜轉下口味。壹個pizza，壹碟意粉及壹杯飲品都係31,000 won，算平宜了。 下午去西面地下購物街行下，沒有什麼特色，同台北的差不多，與東京的比較尚有點距離。前日導遊講西面嘅NC百貨公司會拆卸，有大減價高至五折。去到真係人頭湧湧，但售賣的東西不是太吸引，但太太都買了點東西。 下午茶去10分鐘路程嘅甜品店食布甸，因為有點攰跟着返回酒店休息。晚上再去濟洲家吃煎魚及海鮮煱，味道不錯，價格合理。
