今日係喺荷蘭嘅最後一日，聽日就會搭飛機返香港。去荷蘭之前家姐問我有什麼地方想去，我就提過話去羊角寸，因為家姐佢哋都未去過，所以決定今日星期六由姨甥女及其男朋友揸車過去羊角村玩半日。 由鹿特丹揸車過去羊角村大概要兩個小時，如果由阿姆斯特丹去都要一個小時。預先預訂咗喺羊角村坐遊覽船壹個小時，然後喺羊角村行吓食午餐，大概3点左右就離開。 由於約咗姨甥7點喺鹿特丹食飯，所以回程順便去阿默斯福克行吓。阿默斯福克係一個中世紀嘅城鎮，大部份建築物已經係上百年歷史，部份甚至係18世紀興建。 晚上與姨甥女同埋姨甥等人食飯，就完成今日嘅行程。今日係喺荷蘭最後一日，亦係英國之旅最後壹日。在此多謝大家收睇，下次再見，拜拜。
