今日原本姨甥女放假車我哋周圍去，由於臨時要返公司開會，於是決定去烏德勒支。我哋喺佢公司嘅canteen飲咖啡等佢，開完會之後就喺烏德勒支市中心食個簡便嘅午餐，然後行去火車博物館。 途經烏德勒之大學嘅花園，係個中世紀嘅建築物，跟住再行大概15至20分鐘左右便抵達烏達勒支火車博物館。 火車博物館入邊有好多不同年份嘅火車頭及車卡，之外仲有好幾個不同主題嘅展館。其中有好似3D電影嘅戲院，礦山飛車嘅展館等。 睇完之後坐火車返去烏德勒之中央火車站，如果行路行要行20至25分鐘，但火車都要坐15分鐘。喺火車站入邊一間中超買啲嘢，咁就開車返去鹿特丹。
