今日係喺英國最後一日，11點左右就搭歐洲之星去荷蘭。訂飛時有提示必須提前1-1.5小時到車站，所以喺9:30就check-out，拖住行李去對面嘅St. Pancras International車站 。 都幾多人，安檢及出境及入境手續都要排成半個鐘。尚有大半個鐘就可以上車，買了些三文治及飲料上火車作為午餐。 上網查過由倫敦去荷蘭鹿特丹大概有500公里路程，但行車要三個半小時，其中法國會停里爾以及比利時嘅布魯塞爾。倫敦去到英法隧道嗰段速度每小時有240多公里，英法隧道入邊及去到法國境內速度就減低至時速150-160公里左右，同一般Inter City火車速度差唔多。由法國里爾到比利時布魯塞爾速度就最快，時速有300公里。 大概下午三時半就抵達鹿特丹中央車站，等要大半個鐘家姐先過嚟接我，跟住去二家姐嘅餐館。
