今日係喺倫敦最後壹個Full Day，早上安排咗去母校參觀，然後會搭船去Greenwich，再搭下London嘅Cable Car。 朝早發生一個小插曲，起身煲水沖奶茶突然跳掣，叫職員上嚟睇都搞唔掂，咁佢叫我落餐廳食免費早餐等9點工程人員下上班再解決。 食完早餐行過去母校大概需要半個鐘，由於提前已經聯絡咗Alumni Office，所以都好方便。今次嚟睇主要係去參觀新成立嘅工程學系嘅校舍，十幾年前工程學系因為收生不足已經被取消，但近年與工程有關嘅行業例如Robotics、醫療科技等都有好大嘅發展，於是決定重新建立工程系。由於要翻新學校入面壹個荒廢嘅貨倉作為校舍，要向校友籌款，我亦捐了一些錢，所以喺度嘅Donation List 入邊都有我個名。 跟住行去Westminster Pier嗰邊搭船去Grernwich。全程需要45分鐘左右，要停六至七個碼頭，船飛可以通過Apps去買或者係現場拍卡。 去到Greenwich開始落雨，我沿着Thames Path行去North Greewich嘅O2 Arena睇吓。跟住搭London Cable Car去對岸，然後坐DLR去Canning Town，再搭地鐵返酒店。 返到酒店攞衫去洗，夜晚就約咗堂妹喺唐人街食飯。
