由於前幾日租Brompton小布不果，心有不甘，於是報了一個單車團。單車由Waterloo Station附近10:15出發，全程大概三個半小時左右，15至16公里。 可能係冬天，全團只有四個人，包括我及壹個三人荷蘭家庭，阿媽加2個仔。我同導遊講，因為我已經來過倫敦好幾次，所以講解時唔需要兼顧我，我自己自由拍照就得了。 由於以前去倫敦景點都係搭車或者行路，今次用單車亦係一種不同嘅體驗。景點都係沿着泰晤士河北邊直至去到聖保羅大教堂，穿過不少大街小巷，最後沿着泰晤士河返回Waterloo Station附近。 晚上約了朋友喺West Ealing吃飯，我搭地鐵去Ealing Broadway行過去。由於時間尚早，我喺商場行吓先過去跟朋友會合。朋友介紹一間波斯餐廳，佢話味道都唔錯。每日叫咗個餐有串燒雞肉，飯及沙律嘅餐，同埋麵包。包括壹杯茶每人大約20鎊，不算貴。
