今日將會去好多香港人落腳及生活的Sutton，約了同學11點火車站等。由我酒店去Sutton最方便就係坐Thameslink火車去Sutton，但需時一個鐘頭，因為要兜一個大圈要停17個站，但佢嘅票價其實同搭火車差唔多。 去到Sutton同同學搵間Cafe飲杯咖啡傾吓偈，跟住喺Sutton嘅大街High Street行吓。大街上除咗一般舖頭之外仲有兩間超市，一間係Morrison，另外一間係ASDA。High Street差唔多行到尾呢就有間商場，但商場嘅裝修就無前兩日喺Reading或者Sutton嗰兩間商場咁高級，可能係比較舊。跟住離開商場去食飯，搵到間食泰國嘅餐廳仔坐低食食飯，食完飯就就去停車場攞車。 同學話車我喺Sutton周邊兜幾個圈，然後去佢住嘅地方。喺同學屋企坐咗個零鐘頭，跟住就叫佢車返我返去火車站。我自己喺火車站附近有幾個新嘅樓盤去睇吓，行完就搭火車返倫敦，只有七個站半個鐘頭左右已經返到Victoria Station。跟住再去唐人街食個下午茶，就返酒店。 夜晚出去牛津街行吓，同老婆買啲嘢。搵咗兩間都搵唔到，於是去食丸龜拉麵。倫敦呢間丸龜拉麵同一般有少少分別，係自助式嘅。自己點餐，跟住就去俾錢好似快餐店咁，食完就原Regent Street行去Piccadilly Circus，再坐返地鐵返酒店休息。
