全港最大分店， 屯門Donki今日開業了! 文迪下晝四點嚟到， 可能係三號風球關係人流唔算多， 半個鐘以內可以入場。 入場要用店員派發的「車票」， 紀念品係一把小扇， 滿$800送環保袋下午已經換曬(每天限量800個)， 加$20可以換購屯市限定環保袋。 聽講係Donki最大嘅分店， 但老實各個專區兜兜轉轉嘅格局，好難判別真實有幾大， 但收銀同購物位於同層幾好， 問題係刺身壽司熟食區做咗排隊結帳區， 所以見好少人幫襯， 希望日後人流少啲開放返呢一區吧。 屯門分店日本車站為主題， 大量日本鐵道設計， 還有Donki火車， 畀屯門牛出城專用(笑)。 貨品嘅都係Donki賣開嗰啲， 覺得新鮮食品冇銅鑼灣尖沙咀咁多選擇( 屯門牛的心理作用)，但叫做多咗個選擇咁解。 買完嘢之後唔好走住， 拎住購物收佢喺屯門市廣場有餐飲和購物優惠， 文迪選擇食完一幻拉麵先走， 有九折！ 速報完畢。 屯門Donki 開幕日期：2021年7月20日 分店地址：屯門市廣場1期UG層01至23號舖 營業時間：上午8時至凌晨1時
