生日去左staycation! 今次男友安排一間勁小眾既精品酒店, 詢問度極高, 所以同大家介紹下☺️ 小貴 不過其實值❤️ - 🦁 酒店 The Putman｜上環皇后大道中202號 🦁 位置｜上環站A2出口, 行4分鐘 🦁 服務｜check in快, staff都好helpful~ 🦁 房型｜城景套房 (~$2000 一晚), 包早餐 & $300 coupon食中上環幾間指定餐廳 - 🦁 優點 1️⃣ 靜｜一層得一間房, 獨霸全層零噪音！ 2️⃣ 大｜1300呎 平時住有300呎已經覺得大 😂 而且設計係360度, 可以圍繞一圈跑🤣 3️⃣ 超長落地玻璃｜差唔多半間房都有落地玻璃. 雖然望城景同小量海景, 都好開揚！當然夜晚會閂番窗簾☺️ 4️⃣ 有廚房｜夜晚同男朋友煮飯仔! 有齊爐, 煎pan, 煲, 微波爐. 基本菜式都煮到. 連洗衣機都有! 5️⃣ 巨型浴缸｜絕對容納到兩個人既浴缸, 完全唔逼！仲可以望住香港既城景, 加飲住酒浸🤩 而企缸同坐廁係獨立, 係另外兩邊！ 6️⃣ 電視有netflix｜浸完浴, 再係城景下睇netflix真係勁chill! 張床又大又舒服 電視size可以再大d就好 - 🦁 缺點 1️⃣ 小貴｜就咁聽$2000 一晚好似好貴, 不過比較番優缺點覺得真係好值🤩 2️⃣ 冇泳池 3️⃣ 冇餐廳｜肚餓要落樓下買, 包既早餐都幾特別係附近cafe既早餐! 另外仲有$300 dining coupon, 都係幾間指定既中上環餐廳. 依個「中上環經濟圈」既concept又幾正！ - 🦁 滿意度｜5星｜男朋友真係安排得好好～ 🦁 適合人士｜想二人世界chill下既情侶, 想煮飯仔/愛浸浴人士, 想試小眾酒店
