人人都話去完旅行反嚟，BB一定會病架~很抱歉🤡反而係我同老公輪住病(平時鍛鍊唔夠！？) 第一次帶Hayden搭飛機就揀大阪，係中級難度，初級係全自駕遊，地獄級別相信會係東京😆超多路同樓梯 用Asia miles換咗2張商務機票後，要打反上CS提供BB名+ Passport no.並且表示想預訂BB籃(適合12kg以下)同Baby food，稍後CS會提供付款link，支付BB坐飛機應繳款項～ 0810飛，玉衡堂無乜特別好野食，就唔特登早起身去。用Nuna trvl 真係幾方便，上淘寶買多2個掛鉤🪝推哂Hayden用到嘅野上機，登機先摺疊架BB車放上置物架 今餐機上商務餐點心係由米芝蓮一星粵菜餐廳都爹利會館合作研發，食物實有質素～必點特色飲品Cathay Delight～ BB籃係起飛後🛫，空姐先會整好，原來都幾逼下，Hayden唔肯訓，只係坐左陣係籃（無扣安全帶）因為無經驗，我同老公同時開餐，Hayden望到我份生果太吸引，佢成個墮落嚟，好在我接到佢。經過呢次知道，Hayden太大個，已經唔適用BB籃啦~另外飛機廁所有換片板，但板上無安全帶，換片真係要拼手速，怕佢郁之餘，又怕飛機唔穩令佢碌落嚟🥹 入住親子友好嘅MIMARU OSAKA SHINSAIBASHI WEST，配套100分🫶🏻有廚房、大浴缸🛁我揀咗榻榻米5人房，方便Hayden行嚟行去，無甘多危機！有四部付費洗衣機，如果直接係房/每一層都有就好啦，畢竟樓高11層，使用率好高～ 附近有Aeon supermarket 同family mart，肉、菜、生果同BB水齊哂~ 方便我煮飯仔比Hayden食，第一晚佢無飯食，淨食包裝果蓉，搞到佢發哂脾氣😅 不過用BB水沖奶，仔都有少少肚瀉，如果係緊張大師嘅媽咪，建議帶多d水嚟比BB飲，同買個便攜充電熱水壺，去到邊都可以煲反熱45度水方便沖奶 **海關知BB飲用，水會酌情處理** Check in安置好就衝左去大丸心齋橋店，幾年無嚟，食肆冷清咗好多～ 大起水產迴轉壽司比香港壽司郎好食❤️唔使排隊，食材新鮮~有BB凳同餐具供應！ 食飽第一站去Miki House 掃Hayden嘅學步鞋，超出名架！除咗貴，沒毛病😏集顏值同功能於一身，有分made in JP/CN，一場嚟到，我盡量揀反日本製嘅款～ 雖然Hayden訓咗，但無阻我買鞋決心，店員幫手度腳後，揀好尺寸同款，照同佢試穿😆衫真係好多都可愛吖！！！ 之後就去我嘅至愛世一護膚品品牌Pola～第四代極光精華香港而家先有得買，遲日本成個月上市～退稅+yen平，真係剁手嘅節奏🎶 想知我帶住1歲BB 5日4夜大阪食咗咩去咗邊嘅~就記得follow我~ #1歲bb #1歲旅行 #初次飛機體驗 #寶寶坐飛機 #寶寶旅行 #親子旅遊 #日本親子遊 #大阪旅行 #日本旅行 #商務艙 #businessclass #cathaypacific #飛機餐 #hkbloggers #hkmama #親子餐廳
