🎶 眼淚在心裡流 苦痛問你知否 🎧 😤 問題天天都多 😭 還望觀眾見諒，因為單位裝修仍未完成，太多事要兼顧，未能實時上片同大家分享我既感受😞 嘔心瀝血既裝修之路 人無完美，裝修公司更加係。歷時接近五個月既裝修終於（我諗）接近尾聲了，o係到終於可以同大家分享一下呢個嘔心瀝血既裝修心路歷程。 計埋前期既準備工夫，例如搵邊間裝修公司、咩裝修風格、要咩傢俬、家電等等，裝修絕對係歷時一年以上既project黎。所以準備或計劃裝修既你，真係要做好身心既準備。 我地簡左呢間裝修公司既最大原因，係因為睇左佢係YOUTUBE既影片，似乎應該係無爛尾既。因為爛尾真係好麻煩! 我地係會展既裝修展到簽約既，之後約好時間就去實體既寫字樓到傾裝修細節、選料等等。 漫遊太空PMO 傾好細節、選料之後，就等待開工既日子啦。由於今次係全爆，所以都預左時間係耐D。不過建議準備裝修既大家，真係要樣樣都親力親為，唔好大安旨意。有好多例子我唔係到一一列舉，但如果睇緊片既你有興趣知道既話，記得留言話我知，咁我地可以另出一條片列舉比大家參考一下。 開會或WHATSAPP GROUP 裡面提到要修改既項目，發回給我們確認既圖檔，9成係無根據我地既討論/要求修正。反複來回追更新圖檔，修改圖檔必定多於一次。呢到浪費左好多時間，有時話DESIGNER出左街，改唔到比我地唔緊要，但到第二日無跟進或跟新狀況，第三日我地問有圖未先再話幫我地跟下。這樣就最起碼浪費了兩三日時間了。最激氣既係圖案仍然係有部修地方無跟WHATSAPP GROUP 白字黑字既資料更改。究竟係DESIGNER做漏定PMO講漏不得而知，但係係咪應該檢查一下先比個客呢? 一秒可以燃點怒火既項目經理 既然話PMO係幫我地集結整合資料，理應清楚項目進展，但每每問進度、VO價錢等等，都係等、等、等。最離譜一次係話會報價，足足追左一星期，先話原有既廠無做，再等多一個星期先有報價。一樣係我地追問先跟! 絕對係脾氣消耗戰，幾好脾氣好會爆! 經裝修公司訂購既一D項目可以送貨時，PMO叫我地可安排送貨啦?! 黑人問號出現X N次。我地經你地訂架WOR…係WOR 係WOR。 唔好意思都無一句…
