和布刈神社/門司港/關門海底人行隧道/唐戶市場/八幡駅/皿倉山/博多一幸舍拉麵/山口縣/福岡縣 一朝早我地去左車站附近既上島咖啡食早餐，舖頭用既杯就好似我地較早前去新潟燕三條見到既打卡工業風杯黎裝咖啡。至於早餐同咖啡味道都係一般水準，勝在位置方便同多座位。早餐後到JR博多駅乘火車前往門司港 (車程約1小時) 落車後，我地先去門司港駅観光案内所購買”関門海峡クローバーきっぷ” (價錢￥800)。出站後就乘搭巴士前往關門隧道人行道。(車程約13分鐘)，之後就步行到和布刈神社鳥居參觀、影相同拍片。 參觀同欣賞完咁靚既景色過後，我地就步行到關門海底人行隧道。係山口縣同福岡縣遊走過後，我地就準備前往唐戶市場。 我地赤間神社附近落車之後，步行前往唐戶市場。原本預計唐戶市場內既1/F及2/F挑選午餐，而當中唐戶市場最出名的是雞泡魚。午餐過後，我地步行前往下関唐戸港旅客船ターミナル乘汽船前往門司。到達八幡駅後，出車站門口向右方前行，就會有到皿倉山的免費接駁巴士(無料シャトルバス)。 到達皿倉山纜車山麓站後，購買來回車費￥1230乘纜車上山，中途需要轉一次纜車 (需時約10分鐘)。然後預計乘搭19:55/20:15班次接駁巴士回到八幡駅。由八幡駅乘搭JR回博多 (車程約1小時)。 回到博多後，我地就前往2/F的【博多麵街道】晚餐. 今次我地就試左博多一幸舍。 **今日我地使用福岡廣域周遊券（2日）JR KYUSHU MOBILE PASS FUKUOKA WIDE PASS**
