返深圳除咗飲飲食食同按摩~ 其實都仲有好多有趣嘅手作活動適合大人同小朋友~ 就好似我今次去嘅開珍珠蚌DIY~ 開蚌取珠,就好似抽盲盒一樣~ 跟住仲可以自己一手一腳加工做各種首飾~ - 今次我地去呢一間開蚌工作坊位於羅湖東門老街附近~ 所以位置好方便,亦都只需提前一個鐘左右預約就可以~ 而係美團/點評亦都有各種團購優惠~ 我地今次就揀左最熱賣套餐¥200開4蚌+1飾品~ 首先,俾個心理準備大家,啲蚌係有啲海鮮腥臭味~ 我同妹妹覺得可以接受~(我屋企啲魚糧仲臭😂) 套餐開嘅全部都係淡水珠,最吸引係包左2隻愛迪生~ 如果手氣唔好都唔緊要,因為開出嚟唔太鍾意,其實係可以同佢地交換🫢 - 好開心開出嚟嘅愛迪生都好靚好大粒😍 而且瑕疵都唔算多,光澤感亦不錯~ 而開嘅多珠蚌,妹妹好勁咁開到好多好多又圓又大添~ 隨套餐嘅飾品我覺得係一啲都唔吸引🫢 所以都係選擇咗加購其他款式,而所有首飾都係銀/鍍金~ 揀好之後你亦都可以親自進行拋光､打磨､串珠~ 店家亦都好nice, 會幫你揀款式配搭,一啲都唔驚花多眼亂~ 最後,大人定小朋友都盡興且滿載而歸🛍️🛍️😆😆 - 🏪幸运の蚌•开蚌珍珠•香薰蜡烛•口红DIY手工坊 🈺营业时间:10:30~22:00 📍地址:深圳罗湖区解放路龙园创展大厦1916(地王大厦对面) U Lifestyle App《社群》「inkitsung」精選分享😋即攞攻略➡️： https://www.ulifestyle.com.hk/community/user_profile/291880?utm_source=app_share&utm_medium=share ~*~*~*~*~*~*~*~*~*~*~*~*~*~ ♥歡迎各品牌聯絡合作♥ ♥ Facebook page: harihari ハリハリ ♥ Instagram: inkitsung / harihari_beauty ♥ Youtube: harihari_beauty ♥ E-mail: inkitsung@yahoo.co.jp ♥小紅書號：603544566 ~*~*~*~*~*~*~*~*~*~*~*~*~*~*
