我諗差唔多有成5️⃣年時間冇到長洲玩喇~ 想當年孖寶都仲係要手抱同推BB車👶🏻 難得今時今日兩個已經變成「小學雞」🤪 一路都想搵機會再同佢哋入嚟行吓玩吓~ 好開心今次能夠成為新渡輪x長洲華威酒店合辦—🏖️長洲「ISLAND WALK」體驗官~ - 今次我哋一家四口👨👩👧👦入住華威酒店🏨嘅「海景露台家庭套房」~ 房間好開陽寬敞🏖️☀️,仲要個海景露台🌊打卡一流👍🏻 而酒店對出嘅路段以及沙灘,就最適合小朋友玩下沙踩單車🚴吸收一下新鮮空氣~ 行返出大街途經嘅東灣路,又有好多文青特色小店同Cafe,都好啱大家shopping打卡飲返杯🧉 適逢臨近聖誕節🎅🏻,酒店亦都已經有聖誕裝飾同推出聖誕大餐🍽️ 如果大家都係呢段時間嚟長洲玩嘅話,都可以留意一下~ 而我諗隔左咁耐冇嚟,長洲最大分別係活化左嘅長洲戲院🎬重新開幕! 活化後唔再淨係戲院咁簡單,園區逾40,000呎,集文化傳承,活動體驗於一身~ 而我地今次就參與咗「🍞平安包工作坊」&「🎥電影拍攝體驗館」~ - 先講「🍞平安包工作坊」,「平安包」係長洲太平清醮嘅代表食品~ 而是次工作坊係聯乘傳統老字號餅店-「郭錦記」~ 大家可以親手製作最傳統麻蓉口味嘅平安包外,仲可以了解到平安包嘅歷史👍🏻 過程簡單好玩,仲可以整成唔同造型❤️ 最後只要等蒸起後,蓋上「平安」二字就大功告成啦~ 其實今次係我哋第一次食平安包,估唔到咁Q彈軟熟又好味😋 至於「🎥電影拍攝體驗館」位於1931影棚入面~ 大家可以穿上特定嘅戲服到指定嘅場景,參與「💕唐伯虎點秋香」/「⚖️法律風雲」嘅拍攝~ 佢哋會提供基本劇本,但詳細內容至演員及導演都由我哋自己去扮演~ 過程勁好玩啊!最適合同玩得嘅朋友仔一齊嚟參與🤪 而拍好嘅內容佢哋就會進行後期剪接🎞️,成品就可以同fd子開心些牙喇~ - 而嚟到長洲最緊要就係「食😋」,必食海鮮🦐各類地道小食同甜品🍮👍🏻 我次次都會買炭燒魷魚乾/瀨尿蝦乾⋯,又脆又好咬,佐酒一流🍻 海鮮蒸氣火鍋🍲🥢,沿海海鮮自然特別新鮮好食😋 長洲又特別多用🥭芒果製作嘅甜品, #長洲冰室 既芒果糯米飯,芒果椰汁雙圓椰皇燉奶,芒果糯米糍⋯全部都好吸引呀🤩🤩 特別係夜晚大概9:30後,沿海⛴️碼頭附近仲有好多車仔檔!包你由朝食到晚,全程食到飽😋 ~*~*~*~*~*~*~*~*~*~*~*~*~*~ ♥歡迎各品牌聯絡合作♥ ♥ Facebook page: harihari ハリハリ ♥ Instagram: inkitsung / harihari_beauty ♥ Youtube: harihari_beauty ♥ E-mail: inkitsung@yahoo.co.jp ♥小紅書號:603544566 ~*~*~*~*~*~*~*~*~*~*~*~*~*~*