孖寶派第一次考試成績表~ 不過不失,值得鼓勵!👏🏻👏🏻 應承咗同佢地食餐勁嘅,所以就揀左呢度喇~ 一入去就已經見到有一大個兒童遊樂室🎪🤹🏻♀️ 地方亦都好寬敞,而且小朋友仲可以嘗試着韓服添! - 「🐰兔仔蛋包飯 + 🐧企鵝泡泡浴 」 叫得做親子餐廳,梗係唔少得氹小朋友嘅美食~ 呢兩款真係勁可愛啊,我2個小朋友見到好開心❤️❤️ 當燒肉未食得嘅時候都可以食住飯先,唔怕佢哋餓親~ 「🐮特級牛肋骨 + 月見韓牛前胸肉 + 🐷名品大王豬扒 + 🐔青醬雞腿肉」 「牛肋骨」係必點品之一🌟燒好又香肉味又好咬口,配埋生菜泡菜包埋一齊食,好食到不得了😋 「月見韓牛前胸肉」啲雪花靚到呢❤️配埋流心蛋食,又滑又嫩~ 「名品大王豬扒 」又係勁大塊!但唔好見到塊豬扒咁大塊以為燒起一定會好韌,好食嘅程度拍得住牛肋骨,又冧又Juicy👍🏻👍🏻 「青醬雞腿肉」,雞腿肉夠曬滑嫩,配上香甜嘅青醬,呢個「甜甜雞」我諗大人小朋友都鍾意~ 「🍓甜蜜士多啤梨香蕉奶昔+ 士多啤梨朱古力奶🍫」 孖寶自己order!有士多啤梨就開心啦~ 我自己就覺得2杯都好飲嘅,不過稍甜唔算係我呢個大人嘅口味~ 但佢哋鍾意啦,開心就好,話晒呢餐為佢哋而嚟😊😊 - 「🇰🇷炑八韓烤親子餐廳 (觀塘)👧🏻🧒🏻」 📍觀塘鴻圖道90號2樓 - ~*~*~*~*~*~*~*~*~*~*~*~*~*~ ♥歡迎各品牌聯絡合作♥ ♥Facebook page: harihari ハリハリ ♥Instagram: inkitsung / harihari_beauty ♥Youtube: harihari_beauty ♥E-mail: inkitsung@yahoo.co.jp ♥小紅書號:603544566 ~*~*~*~*~*~*~*~*~*~*~*~*~*~*