🧧賀年菜特集嚟喇🎉 今年團年飯都應該齊齊整整係屋企食就算～ 除左叫盆菜之外，親自烹調特色菜都一樣好有氣氛㗎！ - 「🌸錦上添花」（葱爆陳皮鮑魚）材料： 🌸鮑魚 數隻 🧅🧄薑/葱/蒜/紅葱頭 適量 🧂燒汁 適量 🍊陳皮 1-2塊 - 1️⃣陳皮浸水後切絲（連囊 ） 2️⃣薑&葱切絲、蒜/紅葱頭切粒 3️⃣下鑊先炒香薑/蒜/紅葱頭/陳皮 4️⃣加入鮑魚炒熟 5️⃣加入燒汁調味 6️⃣最後加入葱段，即成✅ 小貼士：⚠️陳皮千祈唔好刮走囊 ，唔係會唔夠香～ 至於點解用日式燒汁，一嚟方便，二嚟味道鹹得嚟偏甜～ 大人小朋友都鍾意❤️，唔會太重口味～ 最後購買鮑魚方面，南非鮑同大連鮑我都有整過～ 南非鮑高質，鮮甜爽彈香全齊！ 大連鮑則勝在佢價錢平，用嚟調味炒，就算佢唔夠鮮甜都唔怕～
